Om Naturhuset

Stiftinga Utladalen Naturhus vart etablert i mars i 1997, av Hydro Aluminium, Fylkesmannen i Sogn og Fjordane og Årdal Kommune. Føremålet med stiftinga er å formidla natur- og kulturhistoria i Utladalen og Vest-Jotunheimen. Denne formidlinga skjer mellom anna gjennom ivaretakelse av kulturlandskapet, naturvegleiing og ein utstilling inne i Naturhuset.

Utladalen Naturhus ligg på bruket Skåri, eit gamalt gardsbruk i Utladalen som var i drift fram til på 1970-talet. I 1996 starta arbeidet med å restaurera det gamle kulturlandskapet. Det er Naturhuset som organiserer skjøtselsarbeidet i heimre Utladalen, slik at kulturlandskapet framstår mest mogleg som då det var gardsdrift i dalen.

Naturhuset sine tilsette driv også ein populær sommarkafe. Frå Utladalen Naturhus kan ein leiga guide til ein rundtur i området eller til ein tur opp vidgjetne og luftige Avdalsskåri opp til Avdalen Gard. Ta kontakt på telefon +47 959 65 158 for booking av guida tur.

Utladalen Naturhus kan også leigast til ulike typar arrangement; møte, samlingar, føredrag, presentasjonar, barnedåp, konfirmasjonar, festleg lag og liknande. Standard utstyr som prosjektor og lerret er tilgjengeleg.